Komeleya Gêlên di Bin Xetere de Ye li dijî êrîş û dorpêça li ser Rojava û Kobanê û ji bo piştgiriya Rojava ji Yektiya Ewropayê (YE) û Hikumeta Federal a Elmanyayê re name şand.
Komeleya Gêlên di Bin Xetere de Ye û civaka Kurd li Elmanyayê li dijî êrîş û dorpêça çeteyên HTŞ, DAIŞ, SMO û Tirkiyeyê li ser Rojava nameyek ji Yekitiya Ewropa (YE) û Hikumeta Federal a Elmanyayê re şand. Lîstikvanê Futolê Denîz Undav û kesên weke Natalia Worner, Aykut Anhan, Ursula Karven,Huseyin Kokseçen, Clemens Schick, Tahsim Durgun,Nora Tschirner,Igor Levit, Jasna Fritzi Bauerve, Jasmin Tabata û gelek kesên navdar tevlî banga komeleyê bûn.
Komelê di nameya xwe de diyar kir ku Rojava di bin êrişên DAIŞ û hezên cîhadîst de ye û koalisyona navneteweyî li dijî êrişan Kurd tenê hiştine. Di nameyê de ji YE û Hikumeta Feederal a Elmanyayê ev daxwaz hatin kirin:
“*Ji bo parastina welatiyên sivîl li Rojava pêdivî bi gavên dîplomatîk û siyasî yên bilez hene û divê zexteke siyasî ya tund li ser Şam û Tirkiyeyê were sepandin da ku agirbestek rastîn û piştrastkirî çêbibe.
*Hevpeymana navneteweyî ya li dijî DAIŞê divê tavilê hevrêziyê bike da ku tedbîrên siyasî û pratîkî li dijî vejîna “Dewleta Îslamî” bigire.
*Divê danûstandinên dîplomatîk bi Rêveberiya Xweser a Demokratîk a Rojava re werin destpêkirin.
*Divê kampanyayek were destpêkirin da ku mîsyonek lêpirsînê ya serbixwe ya Neteweyên Yekbûyî li Sûriyeyê were damezrandin. Bi taybetî li ser binpêkirinên mafên mirovan ên heyî, piştî hilweşandina rejîma Esed, bisekine.
*Divê YE hemû alîkariya diravî ya ji bo hikumeta demkî ango HTŞê rawestîne.
*Betalkirina dawî ya serdana “serokê demkî” Ehmed Şara peyamek siyasî ya zelal li dijî bêcezatiyeyê.
*Bangkirina balyozê Tirkiyeyê û êrîşên leşkerî ya li dijî Rêveberiya Xweser a Demokratîk a Bakur û Rojhilatê Sûriyeyê bi tevahî nayê qebûlkirin.”
