Meşa TJAyê îro li navçeya Xelfetiyê bi dawî bû. Jinandi çarçoveya meşê de li gundên Xelfetiyê têkildarî pêvajoyaheyî û meşa xwe atolye li dar xistin.
Meşa ku Tevgera Jinên Azad (TJA) ji Amedê ber bi Enqereyê ve bi dirûşma “Em bi hêvî ber bi azadiyê ve dimeşin” da destpêkirin li gundên navçeya Xelfetiyê ya Rihayê bi civîna gel berdewam kir. Jinên ku li navenda Xelfetiyê meşiyan berbi êvarî ve berê xwe dan gundên Cibîn, Helbîn û Gogan û Seldek, Wehna û li wir bi şêniyên gund re têkildarî meşa xweû pêvajoya heyî civîn li dar xistin. Gundê Cibînê gundê Turkmenan ku Rêberê Gelê Kurd Abdullah Ocalan dibistana seretayî lê xwendiye ye. Jinên ku hatin gund ewilî heta dibistana ku Abdullah Ocalan lê xwendî meşiyan. Jinan di meşê de dirûşmên “Silav silav ji Îmraliyê re hezar silav” , “Jin jiyanazadî, azad bike Rêbertî” , “Bê Serok Jiyan Nabe” , “Bê SerokJiyan Nabe” , “Bijî xwişk û biratiya gelan” û “Bijî Serok Apo” berz kirin.
Jin dema gihiştin dibistanê li wir jî bi hev re wêneyek kişandin û dirûşma “Bijî Serok Apo” berz kirin. Dûre gund vegeriyan qada gund û li wir bi şêniyên gund re civiyan û têkildarî pêvajoya heyî û meşa xwe atolye li dar xistin. Li gel jinên meşvan gelek kes tev li atolyeyê bûn.
Di atolyeyê de DEM Partiyê ya Amedê Adalet Kaya, siyasetmedar Sebahat Tûncel û Kordînatora Navenda LêkolînaQadê ya Sosyo Polîtîkê Yuksel Genç axivîn û bal kişandin ser mafê hêviyê. Jinan qala hevdîtinên li komîsyona Meclisê jî kir û xwestin komîsyon demildest bi Rêberê Gelê Kurd re hevdîtinê bike. Jinan destnîşan kirin ku divê Rêberê Gelê Kurdbi awayekî fizîkî azad bibe û aştiyeke mayînde pêk were.
Dûre şêniyên gund têkildarî pêvajoya heyî pirs pirsîn û jinan bersivandin. Atolye bi dirûşma “Jin jiyan azadî” bi dawî bû.
