Kursên xweparastinê yên ji aliyê Gerînendetiya Polîtîkayên Jinan û Gerînendetiya Xizmetên Ciwan û Sporê yên Şaredariya Peyasê ve ji bo jinan tên lidarxistin, rastî eleqeyeke mezin tên.
Mijara xweparastinê girêdayî geşedanên dawî û bûyerên rû didin ji hemû deman zêdetir di rojevê de ye. Taybetî jin hem di malên lê dijîn, hem kargehên ku lê dixebitin û hem jî li derve gelek caran pêdivî bi parastina cewherî dibînin. Gerînendetiya Polîtîkayên Jinan û Gerînendetiya Xizmetên Ciwan û Sporê yên Şaredariya Peyasê ji bo vê pêdiviyê bibersivînin kursên xweparastinê dabûn destpêkirin. Jin ji ber pêdiviya xweparastinê eleqe nîşanî kursên xweparstinê didin.
‘Xweparastina nasname ked, laş û vînê’
Şaredarî têkildarî parastina cewherî û derbarê kursan de daxuyanî û wiha got: “Di kargehên xweparastinê de, li ser xweparastina fizîkî û derûnî nîqaş tên kirin. Xweparastin ne tenê parastineke fizîkî ye. Xweparastin her wiha di mijarên wek hişmendiya parastina nasname, ked, laş û vîna jî derdikeve pêş. Bi vî awayî, xweparastina jinan ji ewlehiya takekesî wêdetir, dibe yek ji stûnên bingehîn ên civaka azad û demokratîk. Em ê xebatên xwe bi hewldanên piralî û biryardarî bidomînin.”
