Nivîskar û wêjekarên Kurd ku beşdarî civîna Komeleya Wêjekarên Kurd a ‘Yekîtiya Demokratîk’ bûn, destnîşan kirin ku di Yekîtiya Neteweya Kurd de rol û rista wêjekaran muhîm e û ew ê ji bo yekîtiya demokratîk têbikoşin.
Nivîskar û wêjekarên Kurd ên beşdarê civîna Komeleya Wêjekarên Kurd a bi navê “Yekîtiya Demokratîk” bûn, li ser rol û rista wêjekar, rewşenbîr û nivîskaran a Yekîtiya Neteweya Demokratîk ji Ajansa Welat re axivîn. Nivîskar û wêjekarên ku beşdarî civînê bûn, destnîşan kirin ku civînên bi vî rengî yekîtî û şewira di navbera wêjekar û nivîskaran de xurt dike. Wêjekar û nivîskaran anîn ziman ku ew çiqas yekîtî û hevkariya xwe xurt bikin dê ew qasî jî karibin xizmeta yekîtiya neteweya demokratîk bikin û ji bo karibin bêtir xismeta yekîtiyê divê berî her tiştî yekîtiya di navbera xwe de xurt bikin. Wêjekar û nivîskaran dan zanîn ku bi van civînan armanca wan yekîtîya wêjekar, rewşenbîr û nivîskarên Kurde û got: “Em çiqas karibin Yekîtiya Demokratîk di nava xwe de xurt bikin û pêş bixin em ê karibin xizmeta Yekîtiya Neteweya Demokratîk bikin. Armanc, fikir, hişmendî çi dibe bila bibe divê em yekîtiya xwe ya demokratîk pêş bixin. Em karibin bi hevre bi ziman çand û wêjeya xwe hertim xizmeta yekîtiyê bikin.”
