Berdevkê Daîreya Têkiliyên Derve yê Rêveberiya Xweseriya Demokratîk a Herêma Bakur û Rojhilatê Sûriyeyê li ser helwesta Rêveberiya Xweser a sabit û bi tu aliyekî re nekeve pevçûnan axivî. Berdevkiyê bang li tevahî aliyan kir ku nekeve xefka şîroveyên dijberî Rêveberiya Xweser.
Têkildarî şerê dawîn ên li Sûriyeyê, bi taybet li Heleb û gundewarên wê, berdevkê Daîreya Derve ya Rêveberiya Xweseriya Demokratîk a Herêma Bakur û Rojhilatê Sûriyeyê Kemal Akif ji ANHAyê re axivî. Kemal Akif der barê mijarê de anî ziman ku tişta li Heleb û herêmê rû dide pêşdeçûnên bilez in. Kemal Akif behsa helwesta Rêveberiya Xweseriya Demokratîk a ji dema damezrandinê de bi tevahî aliyan re kir û wiha got: “Helwesta me her tim ber bi mekanîzmeyên pêkanîna îstîqrarê ve ye. Em naxwazin bi tu aliyê re bikevin nava şer.”
Kemal Akif destnîşan kur ku rola Rêveberiya Xweseriya Demokratîk, parastina gel e û wiha axivi: “Rola me li Sûriyeyê bingehîn û girîng e. Em hewl didin parastina gelê xwe bikin. Hebûna me li ser bingeha xweparastinê ye.”
Kemal Akif di dawiyê de bang li tevahî aliyan kir ku nekevin xefka şîroveyên ku temsîla nêrînên û helwestên Rêveberiya Xweser nakin.
