Ji bo endamên YJA-Starê Ferîde Çesen û Gulcan Gozeten li Bazîdê şîn danîn. Girse bi diruşmeya “Bijî Serok Apo” çû cihê sarxiyê.
Li gundê Îneg ê navçeya Bazîdê ya Agiriyê, ji bo endamên YJA-Starê Ferîde Çesen (Zenda Avesta) û Gulcan Gozeten (Lorîn Gelawêj) ên ku sala 2018an li Herêma Kurdistanê a Federe jiyana xwe ji dest dabûn, şîn danîn. Bi pêşengiya Komeleya Alîkarî Piştevanî Yekitî û Çandê ya bi Malbatên Xizmên Xwe li Dergûşa Şaristaniyê Winda Kirin (MEBYA-DER), bi awayekî girseyî şîn hate ziyaretkirin. Gelek siyasetmedar û kesên ji saziyên civakî çûn şînê. Girseya ku li gund civiya, dirûşma “Bijî Serok Apo” berzkir û heta cihê sersaxiyê meşiya.
Li ser navê MEBYA-DERê Bûrhan Kartal, ev tişt got: “Ger têkoşîna şehîdên me, ya hevalên me yên di zindanan û nexasim a Rêber Apo (Abdullah Ocalan) nebûya, îro kesî dê hebûna Kurdan jî nîqaş nekira. Di vê qonaxê de hebûna Kurdan hate qebûlkirin. Çûn cem Rêberê Gelê Kurd û pêvajoyeke nû dest pê kir. Ev pir girîng e, divê em xwedî lê derkevin.”
