Li geleke deverên Amedê ji bo cangoriyên ku di têkoşîna azadiyê de jiyana xwe ji dest dane şîn hatin danîn. Di şînan de dirûşmeyên “Şehîd namirin” û “Bijî Serok Apo” hatin berzkirin.
Serdana şînên cangoriyên endamên HPG û YJA Starê yên di dîrok û cihên cuda de jiyana xwe ji dest dane, li Parka Koşuyoluyê ya navçeya Rezan a Amedê hatiye danîn, berdewam dike. Nûnerên partiyên siyasî, saziyên sivîl û gelek welatî serdana şînê kirin.
Cihê şênê bi wêneyên cangoriyan û qurnefîlan hat xemilandin. Di şîna ku dirûşmeyên “Şehîd namirin” hatin berzkirin de, malbat û welatiyên Amedê hestiyar bûn. Şîn bi rêzgirtinê û xwendina marşa “Çarxa Şoreşê” destpê kir. Piştî rêzgirtinê bênavber dirûşmeyên “Şehîd namirin” û “Bijî Serok Apo” hatin berzkirin.
REZAN
Ji bo cangoriyên di tekoşîna azadiyê de jiyana xwe ji dest dane li mala şinê a taxa Bagcilarê ya navçeya Rezan a Amedê şîn hate danîn. Hevserokê Giştî yê DEM Partiyê Tuncer Bakirhan, hevşaredarên Rezanê, Sûrê, endam û rêveberên partiyê sîyasî, nûner û saziyên sivîl û gelek welatî tevlî şînê bûn.
Li mala şinê ya taxa Cezaevî ya Rezanê ji bo cangoriyan şîn hat danîn. Hevserokê Giştî yê DEM Partiyê Tuncer Bakirhan, hevşaredarên Rezanê, nûner û saziyên siyasî û gelek welatî tevlî şînê bûn.
Her wiha li taxa Arwaliyê ya navçeya Rêzanê û li taxa Kabaxidirê ji bo cangoriyan şîn hatin danîn û gelek welatiyan serdana şînê kir.
Di şînê de wêneyên cangoriyan hatin danîn û dirûşmeyên “Şehîd namirin” hate berzkirin.
Şîn dê 3 rojan berdewam bikin
PEYAS
Li mala şinê a Taxa Huzurevleri a navçeya Peyas a Amedê ji bo cangoriyên di têkoşîna azadiyê de jiyana xwe ji dest dane şîn hate danîn. Hevserokê Giştî yê DEM Partiyê Tuncer Bakirhan, Hevşaredarên Rezanê, Peyasê û Sûrê endam û rêveberên partiyê sîyasî, nûner saziyên sivîl û gelek welatî tevlî şînê bûn.
XANA AXPAR
Li taxa Pornagê ya navçeya Xana Axpar a Amedê jî ji bo cangoriyan şîn hate danîn. Gelek welatiyan serdana şînê kir. Şîn dê 3 rojan berdewam bike.
BISMIL
Li Bismilê jî ji no cangoriyan şîn hate danîn. Di seetên sibehî de gelek kesan serdana şîna ku li taxa Holahate danîn, kirin. Di şînê de wêneyên cangoriyan danîn maseyê û dua hatin xwendin.
Li mala şinê a Taxa Bağcılarê a navçeya Rezan a Amedê ji bo cangoriyê bi tekoînê de jiyana xwe ji destdayî ê bi navê Seyhan Tûrk (Sînan Botan) hate bir anîn. Hevserokê Giştî yê Dem Partiyê Tuncer Bakırhan û Hevşaredarên Rezanê, Hevşaredarên Sûrê endam û rêveberên partiyê sîyasînûner û saziyên sivîl û gelek welatî tevlî şînê bûn.
Serdanên ji bo şînê dê berdewam dikin.
FARQÎN
Li gundê Kizlalê yê navçeya Farqînê ya Amedê, ji bo cangoriyên ku di demên cuda de jiyana xwe ji dest dabûn şîn hate danîn. Li cihê şînê wêneyên cangoriyan hatin danîn.
Gelek kes serdana şînê kir û dua xwendin.
Şîn dê 3 rojan berdewam bike.
