Înîsiyatifa Azadiya Girtiyên Nexweş û Şaxa ÎHDê ya Stenbolê ji bo girtiyen nexweş çalakî pêk anîn û xwestin girtiyên nexweş Mecit Baştaş û Devrim Ayik bên berdan.
Înîsiyatifa Azadiya Girtiyên Nexweş û Şaxa ÎHDê ya Enqereyê di hefteya 602’an de ji bo girtiyen nexweş çalakiya xwe li kolana Sakaryayê ya Enqereyê berdewam kirin. Înîsiyatifê vê hefteyê bal kişandin ser rewşa girtiyê Nexweş Mecit Baştaş ê 68 salî ku li Girtîgeha Tîla L a Patnosê ye. Rêveberê Şaxa ÎHDê ya Enqereyê Asli Saraç daxuyanî da û anî ziman ku Mecît Baştaş ji ber temenê wî mezin e û nexweşê giran e, divê bi rêk û pêk derman bibe.
Asli Saraç, anî ziman ku ji bo Mecit Baştaş nexweşxaneya Batnosê têra dermankirinê nake û wiha got: “Ji ber nayê dermankirin mafê wî yê tenduristiyê tê binpêkirin. Ji bo Baştaş bi rêk û pêk bê dermankirin divê serbest bê berdan.”
Stenbol
Komîsyona Girtiyên Nexweş a Şaxa ÎHDê ya Stenbolê jî çalakiya “Rûniştina F” di hefteya 730’an de berdewam kir. Koma ku li ber Şaxa ÎHDê ikom bûn daxuyanî dan. Komê li vir bal kişandin ser rewşa Girtiyê Nexweş Devrîm Ayik ê li Girtîgeha Tîpa S a Antalyayê. Di çalakiyê de pankarta “Bila Girityê Nexweş Devrim Ayik Serbest bê berdan” û “Dermankirin maf e, nayê astengkirin” vekirin. Dîsa dirûşmeyên “Bila Girtiyên Nexweş bên berdan” û “Dermankirin maf e, nayê astengkirin” berz kirin. Parazvanê Mafê Mirovan Turker Demircî, anî ziman ku Devrîm Ayik li Girtîgeha Tîpa S a Antalyayê nexweşê giran e û xewst bi lez bê berdan. Turker Demircî da zanîn ku Devrim Ayik ji sedî 76 astengdar e û xwest serbest bê berdan.
Piştî daxuyaniyê, çalakî bi dirûşmeyan bi dawî bû.
