Şaxa Komeleya Mafên Mirovan (ÎHD) a Amedê rapora 2024an a herêmê aşkere kir. Sekreterê Şaxa ÎHDê Omer Saman anî ziman ku di 2024an de ji girtîgehan 11 cenaze derketin.
Şaxa Komeleya Mafê Mirovan (ÎHD) ya Amedê rapora 2024an a binpêkirina mafê mirovan a li herêmê aşkere kir. Şaxa ÎHDê rapor bi civîna çapemeniyê bi raya giştî re parve kir. Civîn li avahiya ÎHDê ya Amedê pêk hat. Di civînê de Serokê Şaxa ÎHDê ya Amedê Ercan Yilmaz axivî û diyar kir ku ew hêvi dikin ku êdî dê aştî pêk werê.
Serokê Şaxa ÎHDê ya Amedê Ercan Yilmaz diyar kir ku ji bo aştiyê gelek hêvidarin û wiha axivî: “Bi salan “pirsgirêka Kurd” bû sebeba êşên giran. Hebûna gelê Kurd nehat qebûlkirin. Ji ber înkarê pirsgirêka Kurd derket holê. Di 27ê şibatê de Rêberê Gelê Kurd Abdullah Ocalan ji bo aştiyê bang kir. Em jî dibêjin ku rapora me jî bibe wesîla azadiyê.”
‘Pirsgirêka Kurd bi çêkan çareser nabe’
Rûmeysa Denîz Kaya jî axivî û wiha got: “Bi politikayên nijadperest, dijminatiya jinan berdewam dike. Polîs û leşker bûn sebeba gelek binpêkirina mafê mirovan. Bi keyî mafê sereke qedexe kirin. Mafê gel a hilbijartinê bi politikayên qeyûme berdewam dike. Qeyûm avêtin ser 7 şaredariyan. Di çalakiyên ji bo şermezarkirina qeyûm de gelek kes bi tundiya polîsan re rû bi rû man û hatin girtin. Divê pêşiya siyasetê werê vekirin, şer bê rawestandin. Pirsgirêka Kurd bi aliyê çekan nayê çareserkirin. Em hêvîdarin ku pêvajoya hatiye destpêkirin bike dawî û aştî pêk bê.”
Sekreterê Şaxa ÎHDê Omer Saman ji raporê xwend û wiha got: “Di bajarên herême de bi keyfxweşî 3 welatî hatin kuştin 4 welatî jî har birindarkirin. Di girtîgehên heremê de 11 girtî bi “nexweşî” an jî “intîxarê” jiyana xwe dest da.
Di êrişên cuda de 3 endamên partiyên siyasî hat kuştin. Di teqînan de 1 jê zarok 3 kes mirin. 52 jin hatin kuştin. Di tundiya nava malê de 14 zarok hatin kuştin
