HSDê îdiayên ku dibêjin hêzên wan êrîşî navenda Firqeya 17an û Bokemalê kirine derewand.
Navenda Ragihandina Hêzên Sûriya Demokratîk (HSD) bi daxuyaniyekê îdiayên ku hêzên wan êrîşî hin cihan kirine derewand.
Di daxuyaniyê de hat diyarkirin ku “Hin aliyan nûçeyên derew der barê çalakiyên hêzên me di destpêka sala nû de belav kirine. Wan aliyan îdia kir ku hêzên me bi balafirên bêmirov êrîşî navenda Firqeya 17an a li derdora bajarê Reqayê kir û hinan jî îdia kir ku hêzên me Bokemal bombebaran kir.
Ev nûçeyên derew tu têkiliya xwe bi rastiyê re nînin.
Hêzên me diyar dikin ku em di her warî de amade ne ku van îdiayan aşkera bikin û aliyên li piş van îdiayan berpirsiyarên armanc û encamên wan dibînin.”
