HSDê ragihand ku çeteyên HTŞ, SMO,DAIŞê agirbestê binpê dikin û êrişên xwe li ser herêmên didomînin.
Navenda Ragihandinê ya HSDê der barê binpêkirinên agirbestê ji aliyê çeteyên HTŞ, SMO, DAIŞê ve têne kirin daxuyaniyek weşan.
Daxuyanî wiha ye:
“Tevî ku agirbest duh êvarî kete meryetê, lê komên Şamê li herêmên Cizîrê û Kobanê binpêkirinên xeternak li qadên tijî şênî didomînin. Ev yek binpêkirineke eşkera ya bendên lihevkirinê ye. Di heman demê de gefeke rasterast li ser ewlehiya sivîlan û herêmê ye.
Saet 10.00an ê vê sibehê komên Şamê bi panzêran êriş birin ser eniya bajarokê Çelebiyê yê başûrê rojhilatê Kobanê. Êriş hat şikandin.
Ji saet 12:00an ê nîvro heya amadekirina vê daxuyaniyê ve êrişên wan koman li ser eniyên gundewarê rojavayê Kobanê dewam dikin û gundê Zêrîk û Qasimiyê dikin hedef. Saet di 18.00an de wan koman bi obîsan êrişî gundê Qasimiyê kir. Di encama êrişê de ji malbatekê zarokek şehîd bû û 3 jî birîndar bûn. Di saet 19.30’an de bi 3 dronan xwekujî êrişî gundê Qirê yê girêdayê bajarê Girkê Legê kirin. Di encama êrişê de zerarên madî çêbûn. Saet di 22.40an de jî wan koman êrişî gundê Safa yê Çilaxa kirin. Di encamê de zerarên madî çêbûn. Heya amadekirina vê daxuyaniyê komên Şamê êrişên xwe li eniyên başûr û rojavayê Kobanê berdewam dikin. Ev yek binpêkirina agirbestê ye û rageşiyeke xeternak e ku jiyana sivîlan dixe xetereyê. Di encama êrişan de 4 şervanên me birîndar bûn. Her wiha ji malbatekê zarokek şehîd bû û 3 jî birîndar bûn. em bang li garantorên agirbestê dikin ku berpirsyariyên xwe bi cih bînin û sînorekî ji van binpêkirinan re deynin, her wiha komên Şamê neçar bikin ku bila li gorî peymanê tev bigire, bêyî derengmayîn an paşguhkirin jiyana sivîlan biparêzin.”
