Piştî hevdîtina Netanyahu û Trump a li ser Îranê daxuyanî dan û di daxuyaniyên hatin dayîn de Îsraîlê û Amerîka ji bo destwerdana li Îranê heta radeyek wek hev difikirin. Dixuye ku Amerîka ji bo hin daxwazên Îsraîlê fikarên xwe hene.
Di 6ê Sibata 2026an de nûnerê Amerîkayê û Îranê li Ummanê li ser nukleerê civiyan. Piştî civîna li Ummanê daxuyanî hat dayîn. Aliyan di daxuyaniyê de diyar kirin ku encama civînê baş e û dê civîn bidome. Serokwezîrê Îsraîlê Benjamin Netenyahu piştî vê civînê ji nişkeve biryara serdana Amerîkayê da û di 11ê Sibata 2026an de çû Amerîkayê û bi Serokê Amerîkayê Donald Trump re hevdîtin kir.
Netanyahu, Trump li şer sor dike
Piştî civînê daxuyaniyeke hevpar nehat dayîn. Lê her du aliyan jî derbarê civînê de daxuyanî dan. Netanyahu beriya ku ji Amerîkayê vegere daxuyanî da rojnamegeran. Benjamin Netanyahu di daxuyaniyê de got ku hevdîtina bi Îranê re ne tenê li ser nukleerê pêk tê. Netenyahû diyar kir ku li gel çeka nukleerê mijarên wek moşekên balîstîk û siyaseta Îranê ya li heremê bi wekîlan re jî dê bê muzakerekirin.
Netanyahu pesnê Trump jî da û got: “Min serdaneke girîng bi dostê xwe serok Trump re pêk anî. Civîneke pirr ji dil û pêbawer bû.”
Serokê Amerîkayê Donald Trump piştî hevdîtina bi Netanyahu re li ser hesabê xwe yê Truth Social daxuyanî da. Trump di daxuyaniyê de îdia kir ku li Rojhilata Navîn “aştî” heye. Trump da zanîn ku ji civîna Îranê biryareke teqez derneketiye lê tê payîn ku di civînên bên kirin de peymanek çêbe.
Trump di vê daxuyaniya xwe de jî gef li Îranê xwar û got: “Heke pêkan be lihevkirin tercîha min e. Heke ne pêkan be dê çi bibe em ê bibînin.”
Trump derbarê serdana Netanyahu û daxwazên Îsraîlê de agahî neda. Lê tê zanîn ku armanca Trump zêdetir li ser çêkirina peymana çeka nukleerî ye. Çêkirina çeka nukleerî ji bo Amerîkayê xeter dibîne.
Amerîka naxwaze perestîja xwe winda bike
Lê derket holê ku Trump naxwaze xwe bi xwestekên Îsraîlê yên asta bilind ve girê bide. Trump hewl dide ji xwe re cihê manevrayê bihêle. Her wiha Trump texmîn dike ku daxwazê Serokwezîrê Îsrailê Netanyahu ji aliyê Îranê ve neyê qebûlkirin. Di encameke wisa de Amerîka nikare bêdeng bimîne an wek ku tiştek nebûye raweste. Bêdengî û vekişîneke wisa dê ji bo Îranê bibe serkeftineke mezin û destê rejîma Îranê li heremê xurt bibe. Lê dê Amerîka pirestîjeke zêde winda bike.
Destpêka şerek ne diyar Trump ditirsîne. Encama wê di nava Amerîkayê de ji bo Trump dê pir negatîf be. Dibe ku bibe sedemê têkçûna textê Trumb bexwe jî.
Trump armanca xwe zêde nikare veşêre. Hewl dide serkeftineke erzan bi dest bixe û di ser wê de hem li Amerîkayê û hem jî li cîhanê xwe xurt bide nîşandin. Ji bo vê hemu rêbazên qirêj ji bo xwe rewa dibîne. Dema dibêji “bi zarokên baş karên xwe nikarim pêk bînim” hesabên xwe yên veşartî jî eşkere dike. Derdikeve holê ku armanca Trump ne ev e ku li Îranê piştgiriya mexdûran bike. Armanca wî ev e ku mexdûriyeta wan kuştiyan ji bo xwe û desthilatdariya xwe bikar bîne. Her wiha ji bo Îsrailê jî naxwaze textê xwe bixe xetereyê.
Lê Îsraîl baş zane ku bi siyaseta Trump a dudilî rejîma Îranê ne pêkane hilweşe. Îsrail naxwaze siyaseta “Min nekuje dê min xurt bike” li dij neyarê xwe bikar bîne. Ew di siyaseta kuştina neyar de bi israr e. Lê bi Trump re ev wêrekî nîn e û dest bi vê siyasetê nake. Ev jî rê li ber qirkirinên ku rejîma Îranê pêk tîne vedike.
