Êrîşên Îsraîl yên li dijî Xezayê bênavber didomin. Îro danê sibehê li dijî Nexweşxaneya Nasirê êrîş pêk hat û di encamê de 6 kesjan jiyana xwe ji dest da.
Îsraîlê êrîşî Nexweşxaneya Nasir a li bajarê Xan Yûnsiyê kir. Hate ragihandin ku di encama êrîşê de, bijîşk jî di nav de herî kêm 6 kesan jiyana xwe ji dest da û 20 kes jî birîndar bûn.
Berdevkê Parastina Sivîl a Xezayê Mahmûd Basal agahî da Reutersê û diyar kir ku Îsraîlê serê sibeha pêncşemê êrişeke hewayî bir ser beşa cerrahî ya Nexweşxaneya Nasirê. Di êrîşê de li nexweşxaneyê xisareke mezin çêbû.
Hate ragihandin ku di encama êrişê de herî kêm 6 kesan jiyana xwe ji dest da ku yek ji wan bijîşk Rezik Ebuşira bû. Hate gotin ku 20 kes jî birîndar bûn.
Berdevkê Hamasê êriş weke “sûcekî şer” pênase kir. Artêşa Îsraîlê piştî êrişê daxuyanî da û îdîa kir ku li Nexweşxaneya Nasirê êriş li ser rayedarekî payebilind ê Hamasê û hin endamên wan hatiye kirin.
Li gorî daneyên Wezareta Tenduristiyê ya li Xezayê ji 10ê Cotmeha 2025an û vir ve ji dema agirbestê û heta niha zêdeyî 1500 Fîlîstînî di êrişên Îsraîlê de hatin kuştin.
