Girtiyên siyasî Zeyneb Celaliyan, Werîşe Muradî û Mutelib Ehmedyan bi peyamekê piştgirî dan bexwedana Rojava û gotin: ‘Dema wê hatiye ku ciwanên Rojhilat li gel Rojava bin.’
Girtiyên siyasî yên di zindanên rejîma Îranê de Zeyneb Celaliyan, Werîşe Muradî û Mutelib Ehmedyan bi peyameke hevbeş piştgirî dan berxwedana Rojavayê Kurdistanê û gotin: “Dema wê hatiye ku xelkê Kurdistan û ciwanên Rojhilatê Kurdistan, herwiha ên ku daxwaza azadî û doza Kurd dikin, bi Rojavayê Kurdistanê re bin. Ya ku îro li Kobanê û Rojavayê Kurdistanê diqewime, belgeya heman nexşeya dîrokî ya tundiya li Rojhilata Navîn, taybet jî li Kurdistanê ye.”
Şerê Kobanê şerê gel, jin û ciwanan bû
Girtiyan diyar kir ku ev qonaxa xirab, her tim sivîlan xistiye bin dorpêç û binpêkirinan. Girtiyan bi bîr xist ku her wiha şerê Kobanê yê sala 2014an ne şerek leşkerî bû, parastin û berxwedana ji bo derbaskirina sînoran bûn û di şer de zêdetirî 815 parêzvan ku endamên hêzên berxwedan, xelkê sivîl, jin û zarok jiyana xwe ji dest dan.
‘Piştgiriya herî mezin berxwedan e’
Zeyneb, Werîşe û Mutelib di peyama xwe de dan zanîn ku zextên li ser Rojavayê Kurdistanê berdewam dikin û DAIŞ û hevalbendên xwe, bi şêwazên nû û bi piştgiriya welatan, tundiya xwe ya li herêmê û cîhanê serî hildidin. Girtiyan got ku ev guhertin nikare rastiya berxwedanê bide jibîrkirin. Girtiyan da zanîn ku tecrubeya xelkên vê herêmê îspat kiriye ku eger li ser bingeha hişyarî, îradeya azad ya civakî be, berxwedan ne vala ye.
‘Bi parastina dîrokî serkeftin pêkan e’
Her sê girtî dibêjin ku ew wekî girtiyên siyasî yên Kurd li Îranê ku di destê heman hêzên zordar de asê mane, ji derfeta parastinê bê par mane vê bangê dikin: “Dema wê hatiye ku gelê Kurd, ciwanên Rojhilatê Kurdistan û Îranê hemû bi hevdengiya rast û piştgiriya mirovî bi xelkê Rojavayê Kurdistanê re bin û wateya berxwedanê biparêzin. Em careke din dibêjin parastina dîrok, rûmet û azadiyê dikare di eniyên şer de serkeftinê bi dest bixe.”
