Cîgirê Serokê MHPê Fetî Yildiz bal kişand ser xebatên Komîsyona Meclisê û got, “Me li ser mafê hêviyê li hev kiriye, pirsgirêk tune ye, ew ê di raporê de hebe.”
Cîgirê Serokê MHPê Fetî Yildiz piştî civîna ekîba nivîsandinê ya Komîsyona Meclisê, pirsên rojnamegeran bersivandin. Yildiz behsa rapora dawî ya bi hev re hatiye amadekirin kir û got, “Ew ê hefteya bê biqede. Hûn ê bersivên hemû pirsan bibînin. Me li ser mafê hêviyê li hev kiriye, pirsgirêk tune ye, ew ê di raporê de hebe. Dema ku biryarên DMMEyê werin bicîhanîn, biryarên DMMEyê jî behsa mafê hêviyê dikin.”
Mûrat Emîr ê CHPî jî got, “Ji bo tiştek şênber bê gotin hîn zû ye. Em dikarin bêjin ku em nêzîk bûne, em ê bigihîjin lihevkirine tam.”
