Şaredariya Peyasê bi hevkariya Komeleya Em Ji Bo Siberojê Li Vir İn bi dirûşma ‘Bi Ciwanên Azad Ber Bi Siberoja Azad Ve’ 1emîn Hevdîtinên Ciwanan ên Werzîş û Çandê yên Peyasê dê li dar bixe.
Bi hevkariya Komeleya Em Ji Bo Siberojê Li Vir in (GÎB-DER) û Gerînendetiya Xizmetên Ciwan û Werzîşê û Gerînendetiya Çand û Xizmetên Civakî yên Şaredariya Peyasê dê 1emîn Hevdîtinên Ciwanan ên Werzîş û Çandê yên Peyasê bê li darxistin. Di hevdîtinên ku bi dirûşma ‘Bi Ciwanên Azad Ber Bi Siberoja Azad Ve’ tên lidarxistin de ciwan dê bi armanca ku werzîş, çand, hevgirtin û jiyana hevpar bi hev re mezin bikin, bên bahev. Hevdîtin dê di 12-13 û 14ê Hezîranê de li Parka 75an a li Peyasê bên lidarxistin. Di hevdîtinên ku dê sê rojan bên lidarxistin de gelek çalakiyên cihêreng û hunerî dê bên lidarxistin. Roja ewil dê bi konserên Kasim Taşdogan, Eylul Nazlier, Sîmyager, Dengbêj Hediye û Dengbêj Berken Zer dest pê bikin.
Di sê rojan de bi armanaca hevgirtinê, wê panel, kargeh, çalakiyên cihêreng, lîstikên gelêrî û çandî pêk bên.
Bernameya 1emîn Hevdîtinên Ciwanan ên Werzîş û Çandê yên Peyasê ya 3 rojan wiha ye:
Roja 1emîn
16.00 – 19.00
-Pêşwaziya Beşdaran
-Bicihkirina Beşdaran
-Şîv
21.00 -23.00
-Konsera vekirinê
Cih: Parka 75an a Peyasê
Roja 2yemîn
08.30-10.30
-Rojbaş
-Spora serê sibê
-Taştê
11.00 – 13.00
-Panela Ekolojiyê
-Jineolojî
13:00 – 14:00
-Xurînî, çay, qehwe
-Hevpeyvînên kurt bi ciwanên beşdar re
14:30-16:30
-Panel (parvekirina serpêhatiyan)
17.30-20.00
-Xebatên Sporê
Voleybola Plajê
-Futbol
-Basketbol
-Stasyonên fitnessê yên biçûk
Lîstikên Kevneşopî yên Kurdî
-Kewirê Qûwetê
-Gog
– Sêgav
– Dar Qitikê
20.00 – 20.30
-Şîv
20.30 – 21.30
-Navber
21.30 – 23.30
Konsera ku êvarê ji aliyê ciwanan ve bê dayîn
Roja 3yemîn
08.30-10.30
-Rojbaş
-Spora Serê Sibê
-Taştê, li Navenda Çandê ya Amargiyê
10.30-12.30
Meşek li nav Baxçeyên Hevsêlê
13.00
Xatirxwestin
