Talîp Guler ê endamê DAIŞê ku di nav gumanbarên cînayeta xebatkarê rojnameya Azadiya Welat Kadrî Bagdu yê ku di sala 2014’an de hatibû kuştin de cih digire, anîn Tirkiyeyê.
MÎTa Tirkiyeyê daxuyanî da ku Talîp Guler ê kodê wî “Abdusselam Turkî” ku dihat îdıakirin di nava rêxistinbûna Tirkiyeyê ya DAÎŞê ya wekî “Ofîsa Farûq” tê naskirin de xebat dimeşandin û bi bultena sor dihat gerandin, ji Sûriyeyê anîne Tirkiyeyê.
Talîp Guler di nav gumanbarên sereke yên cînayeta xebatkarê rojnameya Azadiya Welat Kadrî Bagdu yê ku di 14ê cotmeha 2014an de li Edeneyê di encama êrişeke çekdarî de hatibû kuştın. Tevî vê yekê jî lêpirsîna cînayetê nêzî 12 sal in nehatiye encamkirin.
Di nûçeyên ku ji medyaya Tirk re hatine belavkirin de, cih nedan wê agahiyê ku Talîp Guler yek ji kujerên xebatkarê Rojnameya Azadiya Welat Kadrî Bagdu ye.
Tevî ku di pêvajoya lêpirsîna cînayetê de li ser Guler û gumanbarên din gelek agahî û îfade hebûn jî, heta îro di dosyayê de tu gavên berbiçav nehatine avêtin.
