Rêxisitinên hiqûqê yên Enqereyê tekildarî mirina bi guman a girtiya trans Poyraz Esenê diyar kirin ku dozgeriyê li bûyerê vedişêre û xwestin mirina bi guman a girtiya trans Poyraz Esenê bê ronî kirin.
Komeleya Hiqûqnasên Ji bo Azadiyê (OHD), Komeleya Mafê Mirovan (ÎHD), Komeleya Hiqûqnasên Hevdemî (ÇHD), Hiqûqnasên ji bo Edaletê, Hiqûqnasên ji bo Demokrasiyê, Hiqûqnasên ji bo Piştgiriyê, Hiqûqnasên Civakî, tekildarî mirina bi guman a trans Poyraz Esen ali Girtîgêha Jinan a Sîncanê dihat ragirtin, û wek darvekirî hatiye dîtin, li avahiya şaxa ÇHDê ya Enqereyê ya navçeya Çankayayê daxuyanî dan.
‘Bêyî îradeya wê qawîşa wê guhertin’
Li ser navê rêxistinên hiqûqê Nulîfer Irmak Ozkanê daxuyanî da û diyar kir ku girtiya trans Poyraz Esen di 1ê Kanûna 2025an de di kawişê de bi awayekî dervekirî hatiyê dîtin û got: “Poyraz Esenê beyî îradeya wê xistin kawişa 4 girtiyên trans. Girtiyên trans ji girtiyên din hatine cudakirin. Beriya bûyer biqewimê Poyraz Esenê tevlî pêvçûneke bûye û cihê wê guherandine. Lê cihe ku ew birinê jî weke hucreyeke tecridê tê bikaranîn. Poyraz Esena 3 rojan di vê hucreyê de hatiye ragirtin û dema girtiyên din yên trans ji nexweşxaneyê vêdigerin Poyraz Esenê wek darvekirî dibînin.”
‘Em ê şopdarê dozê bin’
Nulîfer Irmak Ozkanê destîşan kir ku derbarê mirina Poyraz Esenê de ji aliyê Dozgeriya Rojavayê Enqere ve di 3ê Kanûna 2025an de lêpirsin hatiyê despêkirin û wiha axivî: “Dozgeriyê tevî delîlên şênber û binpêkirinên mafan ên giran jî dosyayê girtiye. Dozgeriyê li ser mirina kesekê ku di bin çavderiya dewletê de bû ku bûyerê veşartine. Em weke rêxistinên hiqûqê dê li pey vê dozê bin û heta ev doz were ronîkirin dê têkoşîna me bidome.”
