Rejîma Îranê di nava 6 mehên borî de 894 kes darvekirine ku herî kêm 15 jê jin û bi dehan welatiyên Kurd in.
Navenda Mafê Mirovan a Îranê, bîlançoya dawî ya hejmara darvekirinên ji aliyê rejîma Îranê ve di nava 6 mehên destpêkê yên sala 2026an belav kir.
Di raporê de hat ragihandin ku rejîma Îranê di nava 6 mehên borî de 894 kes li Rojhilatê Kurdistan û Îranê darvekirine.
Li gorî raporê li parêzgeha Urmiye 24 kes, li Kirmaşan 20 kes, li Loristanê 50 kes hatine darvekirin, her wiha tevî kêm ragihandina rêjeya fermî, li girtîgehên Sineyê jî bûyerên darvekirinê hatine qeydkirin.
Rêxistinê destnîşan kir ku ji vê hejmarê 15 jin û 32 girtiyên siyasî hatine darvekirin ku piraniya wan ji mafê xwe yê gihiştina parêzerên serbixwe û darizandinek dadperwerane bêpar hatine hiştin.
Di heman raporê de hat diyarkirin ku 234 kesên hatine darvekirin di navbera temenê 35-36 salî de ne û beşek ber bi çav a darvekirinan taybet li herêmên Kurd lê ku peywendiya wan bi dosyayên siyasî û xwepêşandanan re hebûn.
Hêjayî gotinê ye li gorî sala borî li Îranê rêjeya darvekirinan ji sedî 30 zêde bûye.
