Şirnex – Danişîna Nîhat Kazanhan ê ji aliyê polîs Mehmet Nûrbakî Goçmez ve hate kuştin, îro pêk hat. Heyeta dadgehê danişîna dozê taloqî 12ê Sibatê kir.
Nihat Kazanhan ê 12 salî di 14ê Çileya 2015an de li navçeya Cizîrê ya Şirnexê ji aliyê polîsê tîme taybet Mehmet Nûrbakî Goçmez ve hate kuştin. 10emîn danişîna doza Nihat Kazanhan li 1emîn Dadgeha Cezayê Giran a Edliyeyê Cizîrê pêk hat. Di danişînê de dayik û bavên Nihat Kazanhan û parêzer amade bûn. Danişîn bi tespitkirina nasnameyê dest pê kir. Piştî tespitkirina nasname bavê Nihat Kazanhan Mehmet Emîn Kazanhan axivî û got kurê wî bê sûc bû û xwest kujer bê cezakirin.
Piştrê jî dayika Nihat Kazanhan Ayşe Kazanhan axivî. Ayşe Kazanhan jî anî ziman ku tevî bultena sor jî kujer nehatine girtin û got: “Ez dixwazin kujer bi giranî bên cezakirin. Kurê min bê sûc bû. Hûn dibêjin em ê bigrin lê hûn nagrin. Her ku ez têm vir, ez xemgîn dibim. Daxwaza me ew ê ku kujer bên dîtin û cezakirin.
Piştre jî parêzer Osman Cîngoz axivî. Osman Cîngoz jî xwest lêniherîna qeydên HTS û bankayê yên kujer bêne kirin. Dadgehê biryara lênerînê ya HTS qebûl kir û biryara berdewama lêgerîna bultena sor da. Heyetê danişîna dozê taloqî 12ê Sibatê kir.
