Dadgehê 2 sal û 6 meh ceza li Zeynal Ençku yê ku destdirêjî li ser xebatkara jin pêk anîbû birî.
Li navçeya Cizîrê ya Şirnexê karmendê bi navê Zeynal Ençku ji ber destdirêjî xebatkareke jin kiribû û derbarê wî de doz hatibû vekirin. Danişîna dozê îro li 5emîn Dadgeha Cezayên Asliyê ya Cizîrê hat lidarxistin. Jina ku destdirêjî li ser pêk hatibû bi rêya SEGBÎSê û destdirêjkar Zeynal Ençku li eywana danişînê tev li dozê bûn.
Piştî axaftina jina ku destdirêjî li ser hatiye kirin, dozgeriyê mutalaya xwe ya di 9ê Tîrmehê de dubare kir û xwest Zeynal Ençku were cezakirin.
Heyeta dadgehê 2 sal û 6 meh ceza li Zeynal Ençku birî, lê derbarê girtina Zeynal Ençku de biryar nehat dayîn.
