Li navçeya Cizîrê şevê din polîsan bi ser malekî de girtin û welatiyê bi navê Botan Ugan xistin bin çavan.
Li taxa Yafesê ya navçeya Cizîrê ya Şirnexê şevê din derdora saet 04.00an polîsên rûpoş bi ser mala malbata Ugan de girtin û welatiyê bi navê Botan Ugan (33) binçav kir. Di serdegirtina malê de li gel ku malî dibêjin em tên derî vedikin jî polîsên rûpoş deriyê hewşê şikandin û bi wî awayî ketin hundir.
Hate hînbûn ku Botan Ugan bi îdiaya, ‘endamê rêxistinê ye’ hatiye binçavkirin û ew li Midûriyeta Polîsan a Şirnexê tê ragirtin.
Her wiha polîsan pirsa Ozgur Ugan jî kirine û ji ber ne li malê bû nehat binçavkirin.
