Hunermend Ayhan Erkmen li bajarê Celadet Elî Bedirxan lîstika xwe ya nû, ‘Hawar’ ji hezkiriyên zimanê Kurdî re got.
Li navçeya Cizîrê ya Şirnexê 12emîn Mîhrîcana Ziman, Çand û Hunerê ku ji aliyê Şarederiya Cizîrê û Saziya Birca Belek ve tê lidarxistin di roja 3yemîn de bi pêşkêşkirina lîstîka Hawar berdewam dike. Li gel parlamenterê DEM Partiyê yê Şirnexê Mehmet Zekî Îrmez, endam û rêveberên partiyên siyasî û saziyên civakî, gelek kes tev li pêşandana lîstîka Hawarê bûn. Lîstîka Hawar ku ji aliyê çîrokbêj Ayhan Erkmen ve tê pêşkirin li Eywana Civînê ya Şaredariya Cizîrê hat pêşandan.
Lîstika ku qala derfetên kêm yên çapkirina Kovara Hawarê dike heman demê de qala jiyana Mîr Celadet Elî Bedirxan a Şamê, rewşenbiriya wî û bandora Celadet ya li ser zimanê Kurdî dike. Ayhan Erkmen bandora zimanê devkî ya Ehmedê Fermanê Kîkî û bandora Şêx Evdirehmanê Garisî ya wêjeya nûjen ya li ser Celadet û Hawarê di lîstika xwe de bi zimanekî şanoyî vedibêje.
Welatiyên lîstîk temaşe dikirin bi dawîbûna lîstîkê re li ser piyên demek dirêj ji bo lîstîkê û Ayhan Erkmen çepik lêxistin.
Mîhrîcan wê danê êvarî bi konsera li Qada Agirkujiyê bi dawî bibe.
