CENTCOMê ragihand ku wan li Sûriyeyê fermandarekî payebilind ê koma Huresedîn ya El Qaîdeyê kuştiye.
Fermandariya Navendî ya Hêzên Amerîkayê (CENTCOM) li ser hesabê xwe yê Xê kuştina fermandarek El Qaîdeyê ragihand.
Di daxuyaniya CENTCOMê de wiha hat gotin: “Di 30yê Çileyê de di êrişeke balafirên şer de li bakurrojavayê Sûriyeyê Mihemed Selah El Zebîrê fermandarê payebilind ê komika terorîst a Huresedinê ya El Qaîdeyê hatiye kuştin.”
Hêjayî gotinê ye Koma Huresedînê komek çekdar a tundrewe ku li ser bingeha îdeolojiya El Qaîdeyê hatiye damezirandin û li Sûriyeyê çalak e. Ev kom di sala 2018an de hatiye damezirandin û ji çend komên cuda yên Eniya Nusrayê pêk tên.
