Karkerên madenê ku ji bo destheqê xwe li Enqereyê ne, tevî binçavkirinan jî çalakiyên xwe di rojan 6an de didomînin.
Karkerên madenê yên giredayê Sendîkaya Madenê ya Xweser ên ku li Holdînga SSS a Yildizê yê Doruk Madenê û Etî Gumuş Madenê yê Elezîzê dixebitin ji bo destheqê xwe li Enqereyê ne. Karkerên xwestin bi Wezareta Enerjî û Çavkaniyên Xwezayî re hevdîtin bikin dest bi çalakiyê kiribûn. Karkerên ku li ber wezaretê çalakî li dar dixin tevî astengî û binçavkirinan jî çalakiyên xwe di roja 6an de didomînin.
Karkerên ew 2 roj in tevî malbatên xwe hatibûn çavkirin piştî hatin berdan dîsa hatin li ber wezaretê cilên xwe ji xwe derxistin û baretên xwe erdê xistin. Karkeran bi yek dengî dirrûşmeyên “Yên mafdar em in em ê bi ser bikevin”, “Em karker in, mafdar in, em ê bi ser bikevin” û “Divê Başaran Aksu bê berdan” berz kirin.
Serokê Sendîkaya Madenê ya Xweser Gokay Çakir li vir derbarê binçavkirin û daxwazên xwe de daxuyaniyekê qurt da. Gokay Çakir diyar kir ku ew mirovên bi înad in û heta heqê xwe negirin dest bi çalakiyan bernadin û wiha got: “Başaran Aksu hê di binçavan de ye. Divê bê berdan. Em li vir in. Ew girtin û çewisandin çavê me natirsine. Ew 6 roj in em vê çalakiyê didomînin. Em jî dixwazin vegerin malên xwe. Heta heqê me nedin em ê li vir bin.”
Çalakiya karkeran li ber Wezareta Enerjî û Çavkaniyên Xwezayî didome.
