Karkerên madenê yên ku girêdayê Sendîkaya Karkerên Madenê ya Xweser in ji bo destheqê xwe dest bixin, li ber Wezareta Enerjî û Çavkaniyên Xwezayî di roja 4an de jî çalakiya xwe didomînin.
Karkerên madenê yên giredayê Sendîkaya Madenê ya Xweser ên ku li Holdînga SSS a Yildizê yê Doruk Madenê û Etî Gumuş Madenê yê Elezîzê dixebitin, ji bo destheqê xwe bigrin carekê din hatin Enqereyê. Karkarên ku hatin Enqereyê bi daxwaza hevdîtin bi Wezerata Enerjî û Çavkaniyên Xwezayî re bikin hatin li ber Wezaretê. Çalakiya karkeran di rojan 4an de li ber Wezareta Enerjî û Çavkaniyên Xwezayî didome.
Karker hatin li ber Wezareta Enerjî û Çavkaniyên Xwezayî kincên ji xwe kirin û baratên xwe erdê xistin û dirûşmeyên ‘Em ê bi berxwedanê bi ser bikevin’ û ‘Serkeftin a karkerên li ber xwe didin e’ berz kirin.
Serokê Sendîkaya Xweser a Karkerên Madenê Gokay Çakır derbarê daxwazên xwe de daxuyaniya çapemeniyê da.
’Divê wezaret vê mijarê çareser bike’
Gokay Çakir diyar kir ku muhatabe wan wezaret e û hetan bi wezaretê re hevdîtin nekin dest ji çalakiya xwe bernadin û wiha got: “Sendîkayên zêr bi holdingê re hevdîtin kirine û soza dayîna heqdestê me hatiye dayîn lê em ji wan bawer nakin. Vê pirsgirêkê ancax Wezareta Enerjî û Çavkaniyên Xwezayî dikare çareser bike. Em dixwazin wezaret dest biavêje vê mijarê.”
Piştî daxuyaniyê karker jî axivîn û daxwaz û pirsgirêkên ku dijîn anî ziman.
