Li Taylandê ji ber lehiyê 8 kes mirin. Li paytext Bangkokê rewşa afetê hate ragihandin.
Li Taylandê di 16ê îlonê de ji ber barîna barana zêde lehî rabû û 8 kesan jiyana xwe ji dest dan. Li gorî daxuyaniya hikûmetê da, temamiya kesên jiyana xwe ji dest dane li eyaletên rojhilatê welêt bûne.
Li gorî daneyên saziya ji rêveberiya Afetê berpirsyar, li Sa Kaeo 5, li Chathaburi 2 û li Saraburi jî kesekî jiyana xwe ji dest daye.
Hate ragihandin ku heta niha li paytext Bangkokê agahiyek li ser qurbaniyan nîne. Lê belê bandora lehiyê li hin herêmên bajêr dewam dike.
Di heman demê de li gorî rayedarên rêveberiya Afetê li 27 eyaletên welêt zêdeyî 500 hezar xanî û nêzî 1,7 milyon mirov ji lehiyê bi bandor bûne.
Her wiha lehiyê li paytext Bangkokê zerar daye nêzî 52 hezar xaniyan.
