Stenbol – Rektora Berpirsa Pêvajoyên Tibî ya Nexweşxaneyên Florence Nightingale Prof. Dr Çavlan Çîftçî derbarê rewşa Sirri Sureyya Onder de agahî da û wiha got: “Bersiv dide tedawiyê ev yek jî heviyê dide me. Lê rewşa xeternek jî berdewam dike.”
Endamê Şandeya Partiya Wekhevî û Demokrasiyê ya Gelan (DEM Partî) Sirri Sureyya Onder ku qirîza dil derbas kir 2 rojin li nexweşxaneyeke taybet a Stenbolê tê derman kirin. Sirri Sureyya Onder ji duh ve di beşa lêneherîna awarte de ye û rewşa wî ya xeternek berdewam dike. Rektora Berpirsa pêvajoyên Tibî ya Nexweşxaneyên Florence Nightingale Prof. Dr Çavlan Çîftçî li ber nexweşxaneyê daxuyanî da û derbarê tenduristiyê û rewşa Sirri Sureyya Onder de agahî da.
‘Rewşa wî ya giştî li gorî duh pir baştir e’
Prof.dr Çavlan Çîftçî anî ziman ku Sirri Sureyya Onder bersiv dide dermankirina wan û wiha got: “Rewşa wî ya giştî li gorî duh îro pir baştir e, bersiv dide tedawiyên me. Tansiyona wî normal dimîne. Em difikirin ku ew ê demek dirêj bigire û ji me re dem hewce ye. Ev geşedan hêviyê dide. Aliyê rastê yê dil gelek baş e lê yê rastê kêm lê dide. Pêdiviya me bi demeke cidî û dirêj heye. Tişta ku herî zêde em jê ditirsin enfeksiyon e. Ji ber vê yekê nexweşê me antîbiyotîkên bi hêz dixwe. Ji aliyê nirxên norolojîk ve dengan dibihîze, êşê hîs dike, em van biwate dibînin û ev hêviyê didin me. Rewşa xeternek berdewam dike û em rewşê kelî bi kelî dişopînin.”
