Amed – Welatiyên Amedê têkildarî merasîma çêk îmhakirina PKKê diyar kirin ku divê dewlet jî wekî aliyê Kurdan durist nêzî pêvajoyê bibe û gavên şenber biavêje.
30 endamên Koma Aştî û Civaka Demokratîk li ser banga Rêberê Gelê Kurd Abdullah Ocalan li Silêmaniyê bi merasimeke girseyî di 11ê Tîrmehê de çekên xwe îmha kirin û bersiv dan banga Rêberê Gelê Kurd Abdullah Ocalan. Piştî wan bûyeran di nav gel de hêviyê aştiyê zêde bû. Welatiyên Amedê têkildarî merasîma PKKê ji Ajansa Welat (AW) re axivîn.
‘Divê êdî listîkên Osmaniyan pêk nînin’
Welatî Feyyaz Guneş xwest dewlet jî gav biavêje û got: “PKKê çêk îmha kir. Divê dewlet jî girtiyên siyasî berde. Bi hezaran girtiyên me henê. Divê demildest wan berdin. Ku girtiyan berdin dê baweriyekê bidin me. Divê listîkên Osmaniyan pêk neynin. Kurd ne kurdên berê ye. Erdogan eger bibêje ‘Ev serkeftina me ye’ dê kurd vê yekê qebûl nekin.”
‘Ku dewlet gavan neavêje dê baweriya me bê neyê’
Welatî Nesîme Guven jî destnîşan kir ku ew naxwazin ciwan jiyana xwe dest bidin û got: “Em dixwazin aştî û azadî pêk bê. Girtîgeh vala bibin. Bila aştiyek dirust be. Dewlet kesî nexapîne. Divê dewlet gavan bavêje.”
‘Dawiya şer tune ye’
Welatî Cemîl Baran jî anî ziman ku aştî tiştekî pirr xweş e û got: “Divê dewlet hemû girtiyên siyasî berdin. Bi şer çareserî nabe. Şer xera dike, lê ava nake. Divê em aştiyê mîsoger bikin.”
‘Divê dewlet gavên şênber biavêje.
Welatî Hasan Guler jî bi bîr xist ku aştî her dem ji şer baştir e û got: “Piştî îmhakirina çêkan, divê dewlet rêya siyaseta demokratîk veke. Ji bo aştiyê divê dewlet gav biavêje. Divê hemû girtiyên siyasî serbest berdin.”
Welatî Emduh Guler jî diyar kir ku ew aştiyê dixwaze û got: “Şer kuştinê tîne. Piştî merasîma PKKê divê dewlet jî gavan biavêje. Bila aştî pêk bê.”
