Almanya û Sûriye ji bo xurtkirina hevkariya xwe di mijara vegera penaberan de, di nav hewldanên girêdana vegerê bi ji nû ve avakirinê û başkirina rewşa yasayî ya li Şamê de, ne.
Şêwirmendê Almanyayê Friedrich Merz di hevdîtina xwe ya îro li Berlînê de bi serokê hikûmeta demkî ya Sûriyeyê Ehmed Şara re diyar kir ku her du alî li ser mijara vegera penaberên Sûriyeyê yên li Almanya bo welatê wan bi hev re dixebitin.
Merz di civîneke çapemeniyê de li paytexta Almanyayê ligel Şara diyar kir ku, “Em bi hev re dixebitin ku Sûriyeyî bikaribin vegerin welatê xwe.”
Li Almanyayê herî penaberên Sûriyeyî hene ku ji zêdetirî milyonek kesî derbas dike. Piranî penaber di navbera 2015-2016an de ji ber krîza Sûriyeyê koçber bûne.
Şara di civîna çapemeniyê de got, “Em bi hevkarên xwe yên di hikûmeta Almanya de dixebitin da ku bernameyek koçberiya dorhêlî ava bikin, rê bide Sûriyiyên jêhatî ku bêyî ku dev ji jiyana ku wan li Almanya ava kiriye berdin, beşdarî ji nû ve avakirina welatê xwe bibin. Ev yek ji bo kesên ku dixwazin bimînine.”
Merz niyeta Almanya ya piştgirîkirina ji nû ve avakirina Sûriyeyê piştî şer ragihand û destnîşan kir ku şandeyek hikûmeta Almanya dê di rojên pêş de ji bo vê armancê serdana Şamê bike.
Merz aşkera kir ku di civîna wan de ji mêvanê xwe re raber kiriye ku ev projeyên hevbeş bi pêşketina di xurtkirina serweriya hiqûqê de li Sûriyeyê ve girêdayî ne.
