Wan – Welatiyên ji Wanê destnîşan kirin ku ji ber bihabûna erzaq û xurekan bereketa Remezanê nemaye.
Li Kurdistanê bi hatina meha Remezanê amadehiyên mehê jî zêde bûn. Wek bawerî ev meh ji bo tevahî Misilmanan meha bereketê û manewiyatê ye. Bi nêzbûna Remezanê ve welatî di çarçoveyên amadehiyên mehê de berê xwe didin bazarên xurekan. Ji ber şert û mercên nebaş ên aboriyê hem ji bo amadehiyan hem jî dabînkirina xurekan de welatî zehmetî dikêşin.
