Wezareta Karên Derve ya Iraqê li ser gefên Hakan Fîdan, Sefîrê Bexdayê yê Tirkiyê Anil Bora Înan vexwend wezaretê û hişyariya, “Meseleya Şengal û hemû deverên din ên Iraqê meseleyeke neteweyî ye û em hemû destwerdanên biyanî red dikin” da. Parlementerê Iraqê Ela Heyder jî diyar kir ku Hakan Fîdan sînorên xwe ne zane dê sînorên wî hînî wî bikin.
Wezaret Karên Derve ya Iraqê derbarê gefên Wezîrê Karên Derve yê Tirkiyeyê Hakan Fîdan yên li ser Iraq, Şengal û herêmên din, Sefirê Bexdayê yê Tirkiyê Anil Bora Înan vexwend Wezareta Karên Derve ya Iraqê. Anil Bora piştî vexwendinê çû wezaretê û bi Şêwirmendê Wezîrê Karên Derve yê Iraqê Mihemed Hisên re civiya.
‘Gef binpêkirina çanda dîplomatîk e’
Li gorî daxuyaniya Wezareta Karên Derve ya Iraqê, di civînê de şêwirmendê Wezîrê Karên Derve yê Iraqê Mihemed Hisên nerazîbûna welatê xwe ya li beramberî daxuyaniyên Hakan Fîdan aniye ziman. Di daxuyaniya wezaretê de wiha hate gotin: “Ev peyamên wiha ziyanê dide peywendiyên dostane yên di navbera Iraq û Tirkiyeyê de û wekî destwerdana di karûbarên navxwe yên Iraq û binpêkirina çanda dîplomatîk têne hesibandin.”
Pergala Iraqê li gorî ya xwe nenirxînin
Li gorî heman daxuyaniyê Mihemed Hisên ji sefîrê Tirk wiha gotiye: “Iraq dewletek avakiriye û xwedî sîstemek siyasî ya demokratîk û destûrê ye. Nabe Iraq bi welatên din ên ku xwedî sîstemên siyasî yên cudane re bi heman awayî bê nirxandin û dest girtin. Mijara Şengal û beşên din yên Iraqê, mijarek netewiye û wê li gorî mekanîzmeyên Iraqê bên çareserkirin. Em hemû destwerdanên biyanî yên ji bo ferzkirina çareseriyekê, an jî bikaranîna vê pirsgirêkê ji bo bandora siyasî û leşkerî, red dikin.”
‘Fîdan sînorên xwe nezane emê hîn bikin’
Parlamenterê Iraqê Ela Heyder jî bersiva gefên Hakan Fîdan da û wiha got: “Iraq ne baxçeyê paşî yê Tirkiyê, Amerîka û dagirkerek din e. Iraq welatê şehîd û pêxemberane.” Heyderî di bernameyek televziyonê de bersiva gefên Hakan Fîdan da û ev hişyarî kirin: “Tirkiyeyê ji sala 2011an ve bi hezaran dolar pere li Suriyeyê xerc kir, Îsraîlê di şevek de Suriye dagir kir û Beşar Esad ruxand. Îsraîlê heqaret li Hakan Fîdan û serokê wî kir. Niha jî Hakan tê gefê li Iraqê dixwe. Berjewendiya we li gel Iraqê heye, ji ber ku salane bi bihayê 20 miyar dolar bazirganî tê kirin. Herwiha 300 kompanyayên Tirkiyeyê li Iraqê heye, lewma eger Hakan Fîdan sînorên xwe ne nezane, emê wî fêr bikin. Çawa me yên beriya wî perwerde kirin, emê wî jî perwerde bikin.”
