Dadgeha Federal a Iraqê qebûl nekir biryar were derxistin ku biryarên rûniştina Parlamentoya Herêma Federal a Kurdistanê yên 4ê Mijdarê werin rawestandin.
Li gorî nûçeya RojNewsê Dadgeha Federal a Iraqê têkildarî rûniştina Parlamentoya Herêma Federal a Kurdistanê daxuyaniyek weşand. Di daxuyaniyê de wiha hate gotin: “Dadgeha Federal a Iraqê civîna xwe li dar xist. Di civînê de dozger Munzir Îbrahîm Hisên û hemû dozgerên dadgehê amade bûn. Munzir Hisên civîn bi rê ve bir. Daxwaznameya ku biryarên rûniştina Parlamentoya Herêma Federal a Kurdistana Iraqê (4 Mijdar 2026) pêk neyên, nirxandin.”
Di berdewama daxuyaniyê de wiha hate gotin: “Dadgehê qebûl nekir ku biryar der barê vê mijarê de were derxistin. Li gorî madeya 151an a parastina sivîl bi hejmara 83yan a sala 1969an nehat qebûlkirin ku biryar were derxistin. Dadgeha Federal a Iraqê biryar da ku daxwaznameya ji bo dadgehê hatiye pêşkêşkirin, neyê qebûlkirin.”













