Parlamenterên DEM Partiyê Serhat Eren, Onur Duşunmez û Berîtan Guneş Altin ên endamên ÎHÎKê ji bo girtiya nexweş Evîn Zapsû ku bi nexweşiya penceşêrê ketiye serî li ÎHÎKê da.
Endamên Komîsyona Lêkolînkirina Mafên Mirovan (ÎHÎK) a Meclise yên DEM Partiyê parlamenterê Amedê Serhat Eren, parlamenterê Colemêrgê Onur Duşunmez û parlamentera Mêrdînê Berîtan Guneş Altin ji bo girtiya nexweş Evîn Zapsû ku li girtîgeha Bunyan a Kayseriyê ragirtiyê û bi nexweşiya penceşêrê ketiye û rewşa wê giran e, serî li ÎHÎKê da.
Di serlêdanê de hate destnîşankirin ku rewşa Evîn Zapsû xeternek e û ew nikare bi pêdiviyên xwe bi tena serê xwe dabîn bike. Her wiha hate diyarkirin ku li gel rewşa Evîn Zapsû giran e jî li ser pêyan tedawî hatiye kirin û bêyî tedawiyeke bi rêk û pêk bê kirin ew dîsa swqî girtîgehê hatiye kirin. Parlamenteran di serlêdana xwe de ji ÎHÎKê xwestin rewşa Evîn Zapsû bê lêkolînkirin.
Di serlêdanê de hate xwestin ku derbarê van xalan de lêkolîn bê kirin:
* Divê rewşa xeternek a Evîn Zapsû li ber çavan were girtin û ev serlêdan were lêkolînkirin.
* Divê ji ber şert û mercên xeternek a Evîn Zapsû înfaza wê bê taloqkirin û bê berdan.
* Divê bê lêkolînkirin; li gel ku di Tebaxa 2026an de gumanên pênceşêrê jî çima pêvajoya teşhîsê hate dirêjkirin. Her wiha divê bê lêkolînkirin ku di 3ê Mijdara 2026an de piştî rewşa wê giran bûye û rakirine serwîsa lênihêrîna awarte bêyî ku tadawiya wê temam bibe jî şandine girtîgehê. Divê ev yek ji Wezaretê Dadê û Midûrê Girtîgeha Kayseriyê bê pirsîn û derbarê kesên berpirs de tu lêpirsîn hatiye kirin an na. Eger nehatibe kirin divê bê lêkolînkirin.









