Diyar Koç ê li Nisêbînê îşkence lê hate kirin û bêyî tedawiya wî temam bibe hate girtin, ji bo tedawiyê birin Nexweşxaneya Gazî Yaşargîlê ya Amedê.
Ciwanê bi navê Diyar Koç ku çalakiya 20ê Çileyê ya li navçeya Nisêbîn a Mêrdînê ya li dijî êrişên ser Rojava de hate îşkencekirin û binçavkirin, bêyî ku tedawiya wî temam bibe ji nexweşxaneyê hate derxistin û hate girtin. Hate zanîn ku Diyar Koç ê birin Girtîgeha Tîpa E ya Mêrdînê sewqî Girtîgeha Amedê hatiye kirin. Lê rêveberiya girtîgehê ji ber rewşa Diyar Koç “birîsk e” qebûl nekir ku li wir bê ragirtin û diyar kir ku divê Koç sewqî nexweşxaneyê bê kirin. Diyar Koç li ser vê yekê sewqî Nexweşxaneya Perwerdehiyê û Lêkolînê ya Gazî Yaşargîl a Amedê hate kirin.
Hate zanîn ku Diyar Koç li beşa girtiyan a nexweşxaneyê tê dermankirin û ji ber rîska wî ya xwîn biçe ser mejiyê wî heye li nexweşxaneyê hatiye razandin.
