Serdana şîna Mûrat Kalkan ê li Tebqayê di encama teqîna mayînekê de jiyana xwe ji dest dabû bi girseyî hat kirin.
Serdana şîna Murat Kalkan (Dilxwaz Botan) ê li Tebqayê di encama teqîna mayînê de jiyana xwe ji dest dabû li bajarê wî Cizîrê bi awayekî giştî hat kirin. Ji bo Murat Kalkan li Mizgefta Basrayê ya Taxa Cûdî ya navçeya Cizîrê şîn hate danîn. Di pêşengiya Komeleya Piştgirî û Yekitiyê ya ji bo Kesên Xizm û Nasên xwe li Dergûşa Şaristaniyê Windakirinê (MEBYA-DER) de, Parlamentera Şirnexê û Hevberdevka DEM Partiyê Ayşegul Dogan, hevserok û rêxistinên DEM Partî û DBPê yên navend û navçeyan, nûnerên saziyên demokratîk ên sivîl, rojnamegerên biyanî û gelek welatî serdana şînê kirin.
Hevserokê MEBYA-DERê yê Silopyayê Ramazan Uysal di destpêkê de sersaxiya malbatê xwest û got: “Em ê li her derê û demê xwedî li keda şehîdan derkevin.” Hesvserokê DBPa Cizîrê Bager Aşkin anî ziman ku dema ku av disekine ev dem e û got: “Ji Alî Çîçekan heya Murat Kalkanan hemû rêhavêlên nemir in. Em ê têkoşîna wan bigihînin encamê, xwe rêxistin bikin.”
‘Em ê rê nedin hesabên biçûk’
Hevberdevka DEM Partiyê Ayşegul Doganê jî diyar kir ku wan bi saya cangoriyan pêvajoya heyî bi dest xistine û got: “Em ê rê nedin ku tu kes vê pêvajoyê bi hesabên piçûk ên siyasî ve xerc bikê. Divê em vê pêvajoyê baş binirxînin. Ji ber pêvajoyên wiha sed salan carekê çêdibin.
Dayik û bavên Murat Kalkan xêrhatina her kesî kirin û gotin: “Em bi şehîdê xwe serbilind in. Şehîd ê tevahiya gelê me ye.”
