MED-DER û Kooperatîfa ANKAyê bi boneya Hefteya Mafên Mirovan kargeha “Zarok û mafên wan ên zimanî” li dar xist.
Komeleya Lêkolînên Ziman û Çandên Mezopotamyayê (MED-DER) û Kooperatîfa Ziman Huner û Perwerdehiyê ya ANKAyê bi boneya Hefteya Mafên Mirovan kargeha bi navê “Zarok û mafên wan ên zimanî” li dar xist. Kargeh li avahiya MED-DERê pêk hat. Di kargehê de Nûnerê Weqfa Mafên Mirovan a Tirkiyeyê (TÎHV) parêzer Murat Aba jî beşdarî kargehê bû. Xwendekar û mamosteyên MED-DER û ANKAyê tev li bûn. Murat Aba li ser mafê ziman axivî û pirsên zarokan bersivand.
Piştre mamosteyên MED-DERê ji bo mafê ziman li gel zarokan kargeh pêk anîn. Mamosteyan dersa mafên zimanî da. Di kargehê de li ber stranên Kurdî şagirtan govend gerand.
