Serokê Meclîsê Numan Kurtulmuş ku vekirina civîna 17emîn a komîsyonê de axivî bi lêv kir ku pêvajo dê bigihejê encamê û got: “Vê carê em hemû bi hev re bi ser bikevin. Yên li dijî pêvajoyê dê têk biçin.”
Komîsyona Demokrasî, Xwîşk-Biratî û Hevgirtina Millî civîna xwe ya 17emîn li meclise li dar xist. Di civînê de Wezîrê Karên Navxweyî Alî Yerlikaya, Wezîrê Parastinê Yaşar Guler û Serokê MÎTê İbrahim Kalin ben guhdar kirin. Piştrê jî parlamenterên di komîsyonê de wê pirs ji wan bipirsin. Tê payîn ku komîsyon piştî vê civînê merhaleya yekema a xebatên xwe bi dawî bike û derbasî merhaleya amadekariyên pêşnûmaneyên qanûnî bibe. Civîn wê ji çapemeniyê re girtî be. Her wiha tê payîn ku komîsyon li ser çûyina Girava Îmraliyê û hevdîtina bi Rêberê Gelê Kurd Abdullah Ocalan jî nîqaş bike.
Serokê Meclîse Numan Kurtulmuş ku di vekirina civîna komîsyonê de axivî anî ziman ku wan hemû beşên civakê guhdarkirinê û wiha got: “Heta em hev guhdar nekin biratî jî xurt nabe. Me ji van guhdarkirinan ders girtin û rê nîşanî me dan. Em ne pêvçûnan lê muzakereyê diparêzin. Hemû xebatên me nîşaneya serdemeke nû ye. Armanca me hiqûqê serdest bikin û heşmendiya hemwelatiya wekhev ava bikin. Rêzgirtina nasnameyan rêzgirtina welat e jî. Komîsyona me naxşereya pêşeroja Tirkiyeyê diyar dike. Piştî komisyona me xebatên xwe bi dawî kirin dê azadiya fikir û remanan jî di nava civakê de xurtir bibe. Heke biratî xurt bibe krîz biçûk dibin, hiqûq xurt bibe edalet pêk tê. Ew jî armanca me ye. Ew pêvajo jî pêkanîna aştiyeke mayînde û xwişk-biratiyê ye. Komîsyona me bi temsileke mezin nîşaneya demokrasiya me ye. Li dijî kesên hem li navxweyî û hem jî li derve dixwazin vê pêvajoyê asteng bikin jî wê rastî diwarê gel werin û nikarin asteng bikin. Em ê aştiya mayînde xurttir bikin. Îradeya vê komîsyonê ne hewseke demkî ye lê berpirsyariyeke dîrokî ye. Em li vir careke din dibêjin; Ew pêvajo dê bigihêje encamê. Vê carê em hemû bi hev re bi ser bikevin. Yên li dijî pêvajoyê dê têk biçin.”
