Enqere – Meşa KESKê ya bi dirûşma “Em ê karê xwe bi paş ve bistînin” di roja çaremîn de gihişt Enqereyê. Meşvanên ji ber ku xwestin ber bi Wezareta Dadê ve bimeşin hatin astengkirin, dest bi çalakiya rûniştinê kirin.
Konfederasyona Sendikaya Kedkarên Cemaweriyê (KESK) li dijî bêhiqûqiya KHKyan bi dirûşma “Em ê karê xwe bi paş ve bistînin” di 13ê Cotmehê de ji Amedê ber bi Enqereyê ve dest bi meşê kirin. Meş di roja çaremîn de gihişt Enqereyê. Meşvan li Enqereyê ji aliyê endam û rêveberên sendîkayan û gelek kesan ve li pêşiya Navenda SESê ya Giştî hatin pêşwazîkirin. Polisan xwest pêşwazîkirinê asteng bike lê girse bi berxwedanê gihişt hev.
Meşvanan li pêşiya avahiya SESê govend gerandin. Meşvanên ku dixwazin ber bi Wezareta Dadê ve bimeşin û li wir daxuyaniyê bidin ji aliyê polîsan ve bi hinceta ku çûyîna ber Wezaretê qedexeye hatin astengkirin. Meşvanan li ser vê yekê çalakiya rûniştinê dane destpêkirin.
