Heyetek bi serokatiya Wezîrê Karên Derve yê Iraqê serdana Tirkiyeyê kir. Tê gotin ku di rojeva hevdîtinê de pirsgirêka avê heye.
Wezareta Karên Derve ya Iraqê bi daxuyaniyekê ragihand ku heyeta bi serokatiya Wezîrê Karên Derve Fûad Husên ji bo hevdîtinê bi rayedarên Tirkiyeyê re bike, serdana Tirkiyeyê kir.
Hate gotin ku di nav heyetê de Wezîrê Çavkaniyên Avê yê Iraqê heye û wê li ser mijara avê hevdîtinan bike.
Hêjayî gotinê ye tevî lihevhatinan jî, bi salane dewleta Tirk para ava Iraqê weke pêwîst naberde û avê dijî Iraqê weke çekek bikar tîne. Tevî gelek carin şandeyên Iraqê bi heman armancê serdana Tirkiyeyê kirine jî pirsgirêk nehatiye çareserkirin, krîza avê li Iraqê kûrtir bûye.
