Parlementer Îrmez di şahiya ciwanan a li Hezexê de got ku ew bi Ocalan bawer in û bang li ciwanan kir ku xwedî li pêvajoyê derkevin.
Li navçeya Hezex a Şirnexê endamên Meclîsa Şaredariyê yên DEM Partiyê ji bo ciwanên navçeyê şahiyek amade kir. Li gel endamên DEM Partî, DBPê û saziyên civaka sîvîl bi hezaran welatî û civan tevlî şahiya li Qada Newrozê hatiye lidarxistin bûn.
Piştî rêzgirtina ji bo cangoriyên azadiyê Parlementerê DEM Partiyê yê Şirnexê Mehmet Zekî Îrmez got ku gelê Hezex û ciwanên Hezex gelek berdêl di şoreşa azadiyê de dane û wiha axivî; “Heya azadî û aştiyek birûmet pêk bê berxwedana me wê berdewam bike. Divê ciwan li vê pêvajoyê xwedî derkevin û neyên lîstîkên şerê taybet. Baweriya me bi Birêz Ocalan heye ku dê vê povajoyê bibe serî. Her wiha divê mafê hêviyê yê Birêz Ocalan demildest were pêk anîn.”
Piştî axaftinan Koma Stêrkên Cûdî, Koma Hezex û Hunermend Kadîr Çat stranên xwe gotin û girseyê govend gerand. Her wiha di şahiyê de dirûşmên ‘Bijî Serok Apo’, ‘ Bê Serok jiyan nabe’ hatin berzkirin.
Şahî bi komkirina îmzeyan ya kampanyaya ‘Em piştgiriyê didin aştiyê’ bi dawî bû.
