Mêrdîn – Malbatê ji bo şervanê HSDê Abdullah Akyuz ku di 13ê Kanûna 2024an li Bendava Tişrînê ya Bakur û Rojhilatê Sûriyeyê jiyana xwe ji dest dabû, li navçeya Nisêbînê ya Mêrdînê mewlîd da.
Malbata endamê HSDê Abdullah Akyuz (Çekdar Artêş) ku di 13ê Kanûna 2024’an de di êrişên Tirkiyeyê û komên paramîlîter ên girêdayî wê de li Bendava Tişrîn a Bakur û Rojhilatê Sûriyeyê jiyana xwe ji dest dabû, li Mala Şînê ya Taxa Girnevas a Nisêbînê şîn danî. Şîn sê roj in berdewam dike. Malbatê îro ji bo kurê xwe li mala şînê mewlîd da û şîn bi dawî kir. Endam û rêveberên Komeleya Yekitî Çand Piştevanî û Alikariya bi Kesên Xizmên Xwe li Dergûşa Şaristaniyê Winda Kirine re (MEBYA-DER), rêxistinên DBPê û DEM Partiyê yên Nisêbîn û Mêrdînê, aktîvîstên TJAyê, Dayikên Aştiyê û gelek kesan serdana şîna Abdullah Akyuz kirin û tev li mewlîdê bûn.
Malbat dê serdanên ji bo sersaxiyê li mala xwe qebûl bike.
