23yemîn Kongreya Awarte ya KNKê di roja duyemîn de bi dawî bû. Di kongreyê de li ser berjewendiyên neteweyî yên Kurdî, stratejiyên diplomasiyê û yekîtiya neteweyî nîqaşên berfireh hatin kirin.
Desteya Giştî ya 23yemîn a KNKê ya Konseya Rêveber hilbijartina xwe lidar xist. Bi nîqaş û yekîtiya dengan a delegeyan, 19 endamên Konseya Rêveber bûn 23 endam. Piştre hilbijartina Konseya Rêveber pêk hat. Kongreyê bi xwenaskirina endamên ji bo Konseya Rêveber û pêşniyaran, dewam kir. Hevserokên KNKê Zeynep Murad û Ahmet Karamus ku jinûve hatin hilbijartin, axivîn û spasî kirin. Zeynep Murad got; “Di dema nû de em wezîfeya xwe digirin ser xwe, em di ferqê de ne ku ev berpirsyarî çiqasê giran û dîrokî ye. Ji bo destkeftiyên gelê Kurd ên di vê sedsalê de mayînde bibin, pêvajoyeke zehmet li pêşiya me ye ku xebatên neteweyî hîn zêdetir bi disiplîn bên meşandin û zemînê dîplomatîk were xurtkirin. Weke rêveberiya nû em di ferqa vê yekê de ne.”
Ahmet Karamus jî ev tişt anî ziman: “Ev pêvajo pir hesas e. Em ê di du salên pêşiya xwe de ji bo xurtkirina xebatên yekîtiya neteweyî, di têkiliyên dîplomasî û navneteweyî de weke yek deng ji bo temsîlkirina gelê Kurd bixebitin.”
Endamê Konseya Rêveber a KNKê Zubeyîr Aydar jî axivî û diyar kir ku eger pêvajo pêş bikeve, hêvî heye ku li Tirkiyeyê dawî li înkara li ser gelê Kurd were. Zubeyîr Aydar ji bo konferansa ku wê di salvegera 100emîn a darvekirina Şêx Seîd û hevalên wî de ji aliyê KNKê ve were organîzekirin û mîtînga ku wê li Elmanyayê were kirin, banga tevlîbûnê kir. Kongre bi nîqaş û pêşniyarên beşdarên ji her çar parçeyan, nûnerên partiyên siyasî, kes û delegeyan û bi nîqaşên li ser parastina destkeftiyên Kurdistanê bi dawî bû.
Endamên Konseya rêveber a KNKê yên hatin hilbijartin wiha ne:
1-Shêx Şemal
2-Refik Gefur
3-Ekrem Husso
4-Îbrahim Alipur
5-Behzad Pîrmusa
6-Şêrko Muhammed Emîn
7-Faruk Cemîl
8-Mîran Saleh
9-Şukrullah Muhammed Emîn
10- Osman Ergin
11-Said Senendecî
12-Yakup Mîrza
13-Zubeyir Aydar
14-Nilufer Koç
15-Rojîn Mukriyan
16-Dîmen Sohrabî
17-Şahla Hafid
18-Aria Issa
19-Fatma Lekto
20-Zeynep Mustafa
21-Nure Alkiş
22-Perwîn Saîd
23-Şilan Eminoglu
