Bi deh hezaran kes li pişt darbesta cenazeyê endamê Şandeya Îmraliyê Sirri Sureya Onder meşiyan. Girseya xwest tevlî definkirinê bibe barikat hilweşandin û bi xwendina sirûd û berzkirina dirûşmeyan meşiyan.
Endamê Şandeya Îmraliyê ya Partiya Wekhevî û Demokrasiyê ya Gelan (DEM Partî) Sirri Sureyya Onder ku 18 rojan li nexweşxaneyê Florence Nightingale dihat tedawîkirin, seat di 16.10ê 3ê Gulanê de jiyana xwe ji dest da. Ji bo Sirri Sureyya Onder li AKMê ya Taksîmê ya navçeya Beyoglû ya Stenbolê bernameya bi bîranînê hat li darxistin. Piştî bîranînê cenazeyê Sirri Sureyya Onder ji bo wazifeyên olî ber bi mizgefta Barbaros a navçeya Şîşliyê hat oxirkirin.
Bi 10 hezaran kesên tevlî bernameya bi bîranînê bûn li ber AKMê bi pankart û dirûşmeyan dest bi meşê kirin. Polîsan xwest girseyê asteng bike. Lê girsê barîkat hilweşandin û dest bı meşe kirin. Girsê di meşê de bê navber dirûşmeyên, “Şehîd namirin”, “Ey şehîd xwîna te li erdê namîne”, “Ji Sirri re soza me aştiyê”, “Elçiyê aştiyê li Îmraliyeyê”, “Bijî Serok Apo”, “Kurdistan goristan ji bo faşiştan” , “Silav ji Îmraliyeyê re” û “Bê Serok jiyan nabe” berz kirin. Her wiha girseyê sirûda “Çerxa Şoreşê” û “Ey raqîb” xwendin. Girsê zêdetirî 5 kilometre meşiya û gehişt mizgeftê. Li mizgeftê piştî li ser cenaze nimêj kirin, cenaze dê li Goristana Zîncîrlikuyu be defin kirin.
