Ajansa Nûçeyan a Çalakvanên Mafên Mirovan a Îranê (HERANA) ragihand ku Rejîma Îranê di Adarê de, li Rojhilatê Kurdistan û Îranê 104 welatî îdam kirine.
Li gorî Ajansa Nûçeyan a Çalakvanên Mafên Mirovan a Îranê (HERANA), Rejîma Îranê di 22 rojên Adara îsal de li Rojhilatê Kurdistan û Îranê 104 kes bi dar vekirine. Cezayê darvekirinê ji bo 22 kesan derketiye û cezayê 5 ji wan jî hatiye erêkirin. Heman çavkaniyê ragihand ku li gorî daneyan, rojane li Îran û Rojhilatê Kurdistanê 4 kes tên darvekirin. Hêjayî gotinê ye di sala 2024an de li Rojhilatê Kurdistan û Îranê, hezar û 300 kes hatin darvekirin, ji vê 29 jin bûn û 5 jî ciwanên temenê wan dibin 18 saliyê de bû. Cezayê darvekirinê bi ser 189 kesan de jî hatibû birîn û dadgehê cezayê 55 kesan erê kiribû.
Ajansa HERANA ku ji komeke çalakvanên mafê mirovan pêk tê, salane binpêkirinên li Rojhilatê Kurdistan û herêmên din ên Îranê radigihîne. Ajansê ragihand ku ji meha Adara 2024an heta 1ê Adara 2025an li Rojhilatê Kurdistanê hezar û 300 kesên Kurd û herêmên din ên Îranê hatine binçavkirin. Ji vana 168 kes bê dadgehê hatine binçavkirin. Ajansê da zanîn ku di vê dema diyar kirî de 649 jin ên ji Rojhilatê Kurdistanê û herêmên din ên Îranê hatine binçavkirin. Ji vana 643 bûyer ji ber nepêçana laçikê ye.
