* Necatî Ay (Devran Bedlîs) di zaroktiya xwe de nexweşiya felcê derbas dike lê nexweşî ji bo wî nabe asteng û dibe têkoşerekî mezin. Necatî di sala 2006an de tev li têkoşîna azadiya gelê Kurd dibe. Bi salan bi gotina “Heta yek şaneyê me saxlem bimîne em ê têkoşîna xwe berdewam bikin” li ber xwe dide û di sala 2010an de şehîd dikeve.
* Jeelan Abu Al-Rub ku bi aslê xwe Filistinî ye û li Tirkiyeyê di beşa Zanista Siyasetê de doktorayê dike, têkildarî pêvajoya muzakereyê ya Filistînê û pêvajoya li Tirkiye û Kurdistanê anî ziman ku pêşniyara entegrasyona demokratîk a Abdullah Ocalan wê di siberojê de ji bo Rojhilata Navîn aştiyê misoger bike.
* Serokê Daîreya Çand û Hunerê ya Şaredariya Peyasê Yilmaz Guneş got ku ew dixwazin hejmara Zarokîstanê zêde bikin û malbatan têxin nava nexşerêya pêvajoya ziman.
* Li Colemêrgê karê “celweşîn” ku ji kesên gûzan diweşînin re tê gotin, weke gelek karên din ên taybet ên herêmê ber bi tunebûnê ve diçe.
Welatiyê bi navê Zahîr Kurt ê ku 17 sal in celweşînî kiriye, behsa weşandina gûzan û zehmetiyên wê kir û diyar kir ku celweşînî karek gelek zor û zehmet e, ji ber vê her kesek nikare karê celweşîniyê bike.
* 33yemîn merasîma Xelatên Çapemeniyê yên Mûsa Anter û Şehîdên Çapemeniya Azad dê li Çand Amedê were lidarxistin. (19:00)
