Gerîlaya YJA-Starê Berîvan Meryem Uzkaş (Jinda Şerker) a sala 2018an de li qada Faris a Avaşînê jiyanan xwe ji dest daye, li Stenbolê bi girseyî hat bibîranîn.
Berîvan Meryem Uzkaş (Jinda Şerker) di sala 2014an de li dijî êrişên DAÎŞê yên ser gelê Kurd tev li refên Tevgera Azadiyê bû. Bi salan têkoşiya û di 3yê Tirmeha 2018an de li Qada Faris a Avaşînê jiyana xwe ji dest da. Ji bo Berîvan Meryem Uzkaşê (Jinda Şerker) li Stenbolê bernameyeke bîranînê li dar xist.Tevgera Jinen Azad (TJA) û Komeleya Piştevanî û Alîkariyê ya Malbatên ku Xizmên Xwe Winda Kirine re ya Anatoliyayê (ANKA-DER) Komeleya Çand, Yekîtî, Piştevanî û Alîkariyê ya bi Malbatên di Dergûşa Şaristaniyê de Xizmên Xwe di Winda Kirine re (MEBYA-DER), Dayîkên Aştiyê, endam û rêveberên DEM Partiyê û gelek kes tev li bîranînê bûn. Di eywana bîranînê de wêneyên Berîvan Meryem Uzkaş (Jinda Şerker), Egîd (Mahsûm Korkmaz) û Rêberê Gelê Kurd Abdullah Ocalan hate vekirin û find hatin pêxistin.
Bername bi rêzgirtina ji bo Jînda Şerker û ji bo tevahî cangoriyên Kurdistanê dest pê kir. Di bernameya bîranînê de li ser têkoşîna kesên jiyana xwe ji dest dane û berdelên ji bo aştî û azadiyê hatiye dayîn axaftin hatin kirin û beşdaran diyar kirin ku ew ê her tim xwedî mîrateya nirxên xwe derkevin.
