Karkerên madenê yên ku di Holdînga Yildizê de dixebitin bi armanca bidestxistina destheqê xwe, ji bo hevdîtinê bi Wezerata Enerjî û Çavkaniyên Xwezayê re bikin, hatin Enqereyê. Ji karkerên ev 2 roj in dest bi çalakiyê kirine, gelek ji wan hatin binçavkirin.
Karkerên madenê yên giredayê Sendîkaya Madenê ya Xweser ên ku li Holdînga SSS a Yildizê yê Doruk Madenê û Etî Gumuş Madenê yê Elezîzê dixebitin, ji bo destheqê xwe bigrin di 10ê Tebaxê de carekê din hatin Enqereyê. Bi daxwaza Wezareta Enerjî û Çavkaniyên Xwezayî re hevdîtin bikin hatin ber wezaretê. Polîsan karkeran astengkirin û 80 karker hatin binçavkirin. Piştî lêpirsîn û kontola nexweşxaneyê Karkerên madenê hatin berdan.
Piştî berdanê karkerên madenê ji bo hevdîtin bikin cardin hatin ber wezeratê. Polîsan karkeran dorpêç kir. Karkeran ji polîsan re muzakerê kirin û hate gotin ku wê bi alikarê wezîrê re hevdîtin çêbibe. Karker demek dirêj li bin tavê li henda hevdîtinê man. Piştî demekê polîsan mudaxale kirin û zêdetir 80 karkerên hatibûn berdan dîsa binçav kirin.
