Li Wanê saet 05.30an de berfê lêkir. Çalakvanên nobeta parastina Şaredariya Wanê sibeha roja 4an di bin berfê de pêşwazî kirin.
Nobeta gelê Wanê ya ku piştî biryara 5emîn Dadgeha Cezayê Giran a Amedê ya der barê Abdullah Zeydan de 3 sal 9 meh cezayê hefsê birî, di roja 4an de didome. Saet di 05.30an de li Wanê berf bariya. Çalakvanên ku li dijî hewldana qeyûm û parastina şaredariyê dest bi nobetê kirine, sibeha roja 4an jî bi hemû coşa xwe hembêz kir. Ji 7 salî heta 70 salî, jin, mêr, ciwan û kal ji her temenî welatî heta serê sibê bi kilam û govendan biryardariya xwe ya li dijî qeyûm nîşan didin. Hevşaredara Bajarê Mezin a Wanê Neslîhan Şedal û Hevşaredara Bajarê Mezin a Mêrdînê Devrîm Demîr ku qeyûm tayînî şûna wê hatiye kirin, bi gel ciwanan roj pêşwazî kirin.
Wê nobeta gelê Wanê heta gefa qeyûm ji holê radibe, berdewam bike û dê her roj bi çalakiyên cuda bertek û nerazîbûnên xwe bînin ziman.
Bernameya nava rojê wiha ye:
* Li ber şaredariyê bi girseyî kombûn (12.00)
* Danasîna şandeyên ku ji bo piştgiriyê tên (13.00)
* Bernameya Koma Jin Ma yê (14.00)
* Bernameya hunermendên herêmê (15.00 – 17.00)
* Danasîna şandeyên ku ji bo piştgiriyê tên û axaftin (18.00)
* Bernameya Muzîkê ya Arhat (19.00)
* Bernameya Stend-up (21.00)
Her wiha dê saet di 15.00an de Konseya Bajêr kom bibe û hevşaredar bi partiyên siyasî, saziyên sivîl, rûspiyên herêmê, keyayên bajêr, kesên bawermend, saziyên astengdaran, tîmên sporê, komele, saziyên jinan, saziyên çapemeniyê, saziyên ciwanan, saziyên çand û hunerê û karsazên herêmê re civînekê li dar bixin.
