Însiyatîfa ji Girtiyên Nexweş re Azadî, xwest girtiyê nexweş Yilmaz Çerçel ê nexweşiyên wî her ku diçe girantir dibe, were berdan.
Însiyatîfa ji Girtiyên Nexweş re Azadî, di hefteya 612emîn a çalakiya xwe de têkildarî rewşa girtiyê nexweş Yilmaz Çerçel li Kolana Sakaryayê ya navçeya Çankayayê ya Enqereyê daxuyanî da. Endamên înîsiyatîfê û Şaxa Komeleya Mafên Mirovan (ÎHD) a Enqereyê û parastvanên mafên mirovan beşdarî daxuyaniyê bûn. Di daxuyaniyê de pankarta “Dermankirin maf e nayê astengkirin, girtiyên nexweş demildest berdin” hate daliqandin. Daxuyaniyê rêverberê şaxa ÎHDê ya Enqereyê Atîlla Dîrîm xwend.
‘Beyî alîkarî nikarê jiyana xwe bidomîn’
Atîlla Dîrîm bal kişand ser rewşa girtiyê nexweş Yilmaz Çerçel û wiha got: “Yilmaz Çerçel di Girtigeha Tîpa H ya Eskîşehîrê tê ragirtin. Nexweşiyên wî giran in. Yilmaz Çerçel di 17ê Adara 1993an de piştî birîndar bûyê hatiyê girtin. Heta niha di girtigehên Amed û Bartinê de hatiye ragirtin. Berdana wî jî ji yekê zêdetir car hatiyê astengkirin. Nexweşiyên şîzofreniya giran a Yilmaz Çerçel heye, milê xwe yê çepê nikara bixebitînê, nexweşiya diran lê peyda bûye, beyî alîkariya kesekê nikarê jiyana xwe bidomine. Li ber evqas nexweşiyên giran berdana wî di 21ê Gulana 2026an de ji aliyê Lijneya Îdare û Çavderiyê ve hatiyê taloqkirin.”
‘Rewşa nexweşiyên wî girantir dibe’
Di berdewama daxuyaniyê de Atîlla Dîrim diyar kir ku biryarên hatinê dayîn rewşa nexweşiyên Yilmaz Çerçel girantir kiriye û wiha berdewam kir: “Lijneya Îdare û Çevderiyê bi hincetên “ji rexistinê qut nebûye”, “bi girtiyên rêxistinkirî re dimîne” berdana wî teloqkirin. Girtiyeke bi şîzofreniyê ketiye nikare li girtigehe bê girtin. Bêyî keseke alîkariyê jê re bike nikare jiyana xwe bidomîne. Taloqkirina berdana nexweşên giran binpêkirina mafê mirovan e. Daxwaza me zelal e, divê Yilmaz Çerçel demildest bê berdan. Divê sepanên Lijneya Îdare û Çavderiyê ku mina bi cezakirina nexweşên giran tê bikaranîn, bi dawî bibe. Divê saziyên peywendidar berpirsyariyên xwe bi cih bînin. Her roja ku Yilmaz Çerçel di girtîgehê de tê ragirtin rewşa nexweşiyên wî girantir dibe. Çareseriya herî pewîst dermankirina bibandor û azadiya wî ye.”
Daxuyanî bi berzkirina diruşmên “Bila girtiyên nexweş bên berdan” û “Tecrîd îşkence ye, divê tecrîd bi dawî bibe” dawî bû.
